Biləsuvarda 26 yaşlı kişi öldürüldü: Şübhəli şəxs saxlanıldı

ELAZ.İNFO xəbər verir ki, Biləsuvarda baş verən ağır cinayət kənd sakinlərini sarsıdıb. Nərimankənd kəndində 26 yaşlı Milan Soltanlı bıçaqlanaraq öldürülüb.

Hadisə ilə bağlı yayılan məlumata görə, 2000-ci il təvəllüdlü Milan Loğman oğlu Soltanlı həmkəndlisi tərəfindən bıçaqlanıb. Aldığı xəsarətlər nəticəsində onun həyatını xilas etmək mümkün olmayıb.

Cinayətdə şübhəli bilinən şəxsin də mərhumun qohumu olduğu bildirilir. 2004-cü il təvəllüdlü İlkin Mehtiyev polis əməkdaşları tərəfindən saxlanılıb və araşdırmaya cəlb olunub.

Hazırda hadisənin hansı səbəbdən baş verdiyi və cinayətin bütün detalları araşdırılır. Faktla bağlı istintaq tədbirləri davam etdirilir.

İslam MAHMUDOV