Yaxın Şərqdə təhlükəsizlik böhranının kəskinləşdiyi bir vaxtda, ABŞ Hərbi Dəniz Qüvvələri regionun strateji su yollarında İrana qarşı tətbiq edilən dəniz blokadasının icrasını ciddi şəkildə davam etdirir.
ELAZ.İNFO xəbər verir ki, ABŞ Mərkəzi Komandanlığının (CENTCOM) rəhbərliyi altında hərəkət edən “USS Donald Cook” (DDG 75) idarəolunan raket esminetsi Ərəb dənizindən keçərək növbəti növbətçilik missiyasını yerinə yetirib. Esminetsin hərəkəti zamanı göyərtədəki MH-60S Seahawk (“Dəniz qartalı”) çoxməqsədli helikopteri yaxın məsafədən havadan müşayiət və kəşfiyyat dəstəyi təmin edib. ABŞ qüvvələri İrana qarşı qüvvədə olan dəniz blokadasının şərtlərini sərt şəkildə tətbiq etməkdədir. Son əməliyyatlar çərçivəsində blokada qaydalarını və sanksiyaları pozmaqda şübhəli bilinən 5 kommersiya (ticarət) gəmisi geri qaytarılıb (marşrutu dəyişdirilib), daha 1 gəminin fəaliyyəti isə tamamilə dayandırılaraq təsirsiz hala gətirilib.
Ruslan MƏMMƏDOV
