ELAZ.İNFO xəbər verir ki, Rusiya Müdafiə Nazirliyi 2026-cı ilin ilk altı ayı ərzində Ukraynanın Rusiya ərazisinə 63 993 təyyarə tipli pilotsuz uçuş aparatı (PUA) göndərdiyini açıqlayıb.
Nazirliyin yaydığı statistikaya görə, aylar üzrə göstəricilər belə olub:
▪️ Yanvar – 5 394
▪️ Fevral – 5 989
▪️ Mart – 11 211
▪️ Aprel – 9 372
▪️ May – 14 195
▪️ İyun – 17 832
Rəsmi məlumatda qeyd olunur ki, son iki ayda göndərilən PUA-ların sayı 32 027-yə çatıb ki, bu da altı aylıq ümumi göstəricinin yarısından çoxunu təşkil edir. Statistikaya əsasən, hücumların intensivliyi aylar keçdikcə artıb.
Nazirlik, həmçinin bir gündə qeydə alınan ən böyük PUA hücumlarının tarixlərini də açıqlayıb:
▪️ 17 may – 1 054 PUA
▪️ 18 iyun – 992 PUA
▪️ 30 iyun – 927 PUA
▪️ 6 iyun – 911 PUA
▪️ 23 may – 800 PUA
Məlumatda bildirilir ki, radioelektron mübarizə (REM) sistemlərinin təsiri nəticəsində bəzi pilotsuz uçuş aparatları hədəfə çatmadan sıradan çıxır və buna görə də onların hamısı statistikada əks olunmaya bilər. Eyni zamanda, təqdim olunan rəqəmlərə kopter tipli dronlar və raketlər daxil edilməyib.
Rusiya Müdafiə Nazirliyinin iddiasına görə, göndərilən PUA-ların təxminən 2–4 faizi hədəfə çatır, qalan hissəsi isə hava hücumundan müdafiə və radioelektron mübarizə sistemləri vasitəsilə zərərsizləşdirilir.
Hərbi müşahidəçilər bildirirlər ki, son illərdə pilotsuz uçuş aparatlarından kütləvi istifadə müasir müharibələrin gedişinə ciddi təsir göstərir və hava hücumundan müdafiə sistemləri üçün yeni çağırışlar yaradır.
Qeyd edək ki, müharibə şəraitində tərəflərin açıqladığı hərbi statistikanı müstəqil mənbələr vasitəsilə operativ şəkildə təsdiqləmək əksər hallarda mümkün olmur.
Asif ŞƏFƏQQƏTOV