Ölkəmizdə aqrar sahənin dayanıqlı inkişafı və ərzaq təhlükəsizliyinin təmin edilməsi istiqamətində regional layihələr və hazırlıq tədbirləri davam etdirilir. Cari ilin taxıl biçini mövsümünün yaxınlaşması ilə əlaqədar strateji rayonlardan olan Salyanda mühüm görüş keçirilib.
ELAZ.İNFO xəbər verir ki, Salyan Rayon İcra Hakimiyyətinin başçısı Rüstəm Xəlilov rayonda taxıl biçininə hazırlıq işləri ilə əlaqədar Salyan Dövlət Aqrar İnkişaf Mərkəzində (DAİM) fermerlərlə görüş keçirib. Müasir laboratoriyaların fəaliyyəti nəzərdən keçirilib
Görüşdən öncə Rayon İcra Hakimiyyətinin başçısı Rüstəm Xəlilov Dövlət Aqrar İnkişaf Mərkəzinin fəaliyyəti ilə yaxından tanış olub, qurumun mütəxəssisləri ilə görüşüb. İcra başçısına Salyan Regional Laboratoriya, Ekspertiza və Sertifikatlaşdırma Mərkəzində aparılan işlər barədə geniş məlumat verilib. Bura aşağıdakı istiqamətlər daxildir:
Torpaqların aqrokimyəvi analizlərinin aparılması; Toxumların keyfiyyət analizləri; Laboratoriyalarda mövcud olan ən müasir avadanlıqların iş prinsipləri.
Dəyirmi masa ətrafında davam edən görüşdə çıxış edən RİH başçısı Rüstəm Xəlilov bildirib ki, Azərbaycan Respublikasının Prezidenti cənab İlham Əliyevin apardığı məqsədyönlü siyasət nəticəsində iqtisadiyyatın digər sahələri kimi aqrar sahə də dayanıqlı inkişaf edir. Dövlət başçısının taxılçılığın inkişafı ilə bağlı qəbul etdiyi qərarların, tapşırıq və tövsiyələrin bu sahə üçün əlverişli şərait yaratdığını deyən icra başçısı, taxılçılığın ölkənin ərzaq təhlükəsizliyi baxımından strateji əhəmiyyət daşıdığını vurğulayıb və fermerlərə yüksək məhsuldarlıq arzulayıb.
Görüşdə cari ilin taxıl biçini ilə bağlı görüləcək tədbirlər, texniki təminat və məhsul yığımının təşkili məsələləri ətraflı müzakirə olunub. Əsas diqqət yetirilən məqamlar bunlardır: Yetişdirilmiş məhsulun sahələrdən vaxtında, keyfiyyətlə və itkisiz toplanılması; Biçin zamanı qarşıya çıxa biləcək texniki və logistik çətinliklərin aradan qaldırılması; Fermer və mexanizatorların təkliflərinin dinlənilməsi.
Sonda icra başçısı Rüstəm Xəlilov qaldırılan məsələlərin və fermerlərin qarşılaşdıqları çətinliklərin operativ şəkildə həll edilməsi üçün aidiyyəti qurumlara müvafiq tapşırıqlar verib.
Ruslan MƏMMƏDOV