Ukraynadakı müharibənin mülki şəxslər üzərindəki təsiri günbəgün ağırlaşır. Müharibənin ön cəbhəsində, Liman şəhərində tibb bacısı işləyən Valentina da bu qanlı qarşıdurmanın qurbanı olub.
ELAZ.İNFO xəbər verir ki, yaşadığı evin hücuma məruz qalması nəticəsində ağır yaralanan Valentina, Dnepr şəhərində yerləşən Meçnikov Xəstəxanasına çatdırılıb. Həkimlərin səylərinə baxmayaraq, inkişaf edən sepsis səbəbindən onun ayaqlarının amputasiya edilməsi zərurəti yaranıb.
Hazırda humanitar təşkilatlar zərərçəkmişlərin sağalması və normal həyata qayıtması üçün mübarizəsini davam etdirir. Valentina hazırda Kryvı Rıx şəhərindəki xəstəxanalardan birində müalicə olunur və gələcəkdə protez ayaqlar vasitəsilə yenidən müstəqil həyata qayıdacağına ümid edir.
Mütəxəssislər bildirirlər ki, Valentina kimi on minlərlə mülki vətəndaş müharibənin ağır nəticələri ilə üzləşib və bu insanların tibbi-psixoloji reabilitasiyası hazırda prioritet məsələlərdən biridir.
Ruslan MƏMMƏDOV