ELAZ.İNFO xəbər verir ki, 2 ay əvvəl Qərbin demokratik hesab etdiyi anti-Əsədçilər ələvilərin başlarını kəsdi, qadınlarını oğurlayıb, kölə bazarında satdılar.
Ələviləri İran müdafiə etdiyi üçün Qərb bu vəhşiliklərə gözünü yumdu, onu demokratik Colani hökumətinə qarşı üsyanın qanuni yatırılması adlandırardı.
Bu hadisədən sonra Qərb Colanini mükafatlandırdı – Suriyaya qarşı tətbiq olunmuş sanksiyaları ləğv etdi, HTŞ-ni terrorçu təşkilatlar siyahısından çıxartdı.
Cəzasızlıqdan ruhlanmış anti-Əsədçilər bu dəfə druzlara demokratiya dərsi verməyə cəhd göstərdilər: baş kəsdilər, qadınları oğurlayıb kölə bazarına çıxartdılar.
Amma bu dəfə, tərs kimi, druzların müdafiəçisi İsrail oldu…
İndi Qərb mətbuatı qalıb dilemma qarşısında:
anti-Əsədçiləri yenə demokratik qüvvələr adlandırsalar, onda belə çıxır ki, İsrail antidemokratları müdafiə edir – belə şey isə ola bilməz!
druzları müdafiə etsələr, onda Qərbin tanıdığı, diplomatik münasibətlər qurduğu “demokratik” Colani terroristdir? – belə şey də ola bilməz axı.
Asif ŞƏFƏQQƏTOV
