ELAZ.İNFO xəbər verir ki, 2026–2027-ci tədris ilinin başlaması ilə ümumi təhsil müəssisələrində bir sıra yeniliklər qüvvəyə minib.
Yeni tədris planına əsasən, tədrisi Azərbaycan dilində aparılan məktəblərin I və II siniflərində həftəlik Azərbaycan dili dərslərinin sayı bir saat artırılıb.
Dəyişiklik yeni tədris ilindən etibarən tətbiq olunur.
Təhsil sahəsində dərs yükünün müəyyənləşdirilməsi zamanı şagirdlərin yaş xüsusiyyətləri, fənlərin məzmunu və tədris prosesinin ümumi yükü nəzərə alınır.
Bununla yanaşı, yeni tədris planında bəzi fənlərlə bağlı başqa dəyişikliklər də var. Tədrisi digər dillərdə aparılan bölmələrin X siniflərində ikinci xarici dilin tədrisinin dayandırılması nəzərdə tutulub. IX siniflərdə isə “Həyat bilgisi” fənninin tədrisi ilə bağlı dəyişiklik edilib.
Beləliklə, yeni dərs ili məktəblər üçün yalnız tədrisin başlanması ilə deyil, həm də bir sıra təşkilati və məzmun dəyişiklikləri ilə yadda qalır.
İlahə BAYINDIR
