Fövqəladə Hallar Nazirliyinin (FHN) “112” qaynar telefon xəttinə Hacıqabul rayonunun Ağacanlı kəndində, açıq ərazidə yanğın baş verməsi barədə həyəcanlı məlumat daxil olub. Hadisə ilə bağlı nazirliyin müvafiq xidmətləri dərhal hərəkətə keçiblər.
ELAZ.İNFO xəbər verir ki, operativ müdaxilə sayəsində alovun daha geniş əraziyə yayılmasının qarşısı alınıb. Daxil olan məlumatla əlaqədar dərhal FHN-in Dövlət Yanğından Mühafizə Xidmətinin qüvvələri və xüsusi texnikası yanğın baş verən əraziyə cəlb olunub.
Yanğınsöndürənlər tərəfindən yerində görülmüş operativ, zəruri və təxirəsalınmaz tədbirlər sayəsində açıq sahədəki alovun genişlənməsinə, həmçinin ətraf sahələrə yayılmasına imkan verilmədən qısa müddətdə qarşısı alınıb və yanğın tamamilə söndürülüb.
Hadisə yerindən əldə olunan ilkin məlumatlara görə, yanğın geniş bir sahəyə ziyan vursa da, mühüm infrastrukturlar xilas edilib: Yanğın nəticəsində ümumilikdə 15 hektar açıq sahədə quru ot və kol-kos qatı yanaraq kül olub. Yanğınsöndürənlərin peşəkar fəaliyyəti nəticəsində ətrafdakı geniş ərazilər, o cümlədən bilavasitə hadisə zonasından keçən strateji kommunikasiya xətləri alovdan tam mühafizə olunub. Hadisə zamanı xəsarət alanlar barədə məlumat daxil olmayıb.
Ruslan MƏMMƏDOV