“Gandbolun Messisi” Adlandırılan Anna Vyaxireva Bu Müqayisədən Narahat Olmadığını Bildirib

Məşhur rusiyalı həndbolçu, olimpiya çempionu Anna Vyaxireva onu dünya futbolunun əfsanəsi Lionel Messi ilə müqayisə etmələrinə münasibət bildirib. İdmançının kiçik boyu, unikal texnikası və meydanı görmə qabiliyyəti səbəbindən ona verilən “gandbolun Messisi” ləqəbi hər zaman diqqət çəkib.

ELAZ.INFO xəbər verir ki, Anna Vyaxireva bu cür müqayisələrin onu heç vaxt narahat etmədiyini vurğulayıb. Futbolu izlədiyini və Messinin kim olduğunu yaxşı bildiyini qeyd edən həndbolçu bu ləqəbin onun üçün xoş səsləndiyini etiraf edib: “Mən bilirəm o kimdir, futbola az-çox nəzarət edirəm. Ümumiyyətlə, bu müqayisə məni heç vaxt narahat etməyib, hətta bu, gözəl səslənir”.

Xatırladaq ki, Anna Vyaxireva qadın həndbolunun ən parlaq ulduzlarından biridir. O, 2016 və 2021-ci il Olimpiya Oyunlarının ən dəyərli oyunçusu (MVP) seçilib (müvafiq olaraq qızıl və gümüş medallar qazanıb), həmçinin 2018-ci il Avropa çempionatının MVP-si adını qazanıb. Bundan əlavə, onun aktivində 2019-cu il dünya çempionatının bürünc medalı da var.

Ruslan MƏMMƏDOV 🖋️