ELAZ.İNFO xəbər verir ki, dünya neft bazarında son günlər müşahidə olunan kəskin dalğalanmadan sonra qiymətlərdə müəyyən geriləmə qeydə alınıb.
Brent markalı neftin bir barrelinin qiyməti çərşənbə günü təxminən 107 dollar səviyyəsinə düşüb.
Qiymətlərdəki dəyişiklik Səudiyyə Ərəbistanının əlavə xam neft tədarükü imkanlarının ortaya çıxması ilə bağlı bazardakı narahatlığın qismən azalması fonunda baş verib.
Bununla yanaşı, Yaxın Şərqdə davam edən gərginlik enerji bazarında qeyri-müəyyənliyin qalmasına səbəb olur. Xüsusilə Hörmüz boğazından enerji daşımalarının əvvəlki səviyyədən aşağı olması bazar iştirakçılarının diqqətindədir.
Neft qiymətlərinin gələcək istiqaməti regiondakı hadisələrdən, tədarük imkanlarından və qlobal enerji tələbatından asılı olacaq.
İlahə BAYINDIR
