Qlobal miqyasda bəzi ölkələrdə təhlükəli yoluxucu xəstəliklərin qeydə alınmasına baxmayaraq, Rusiyada sanitar-epidemioloji vəziyyət stabil qalmaqdadır. Rəsmi qurumlar taun xəstəliyinin ölkə ərazisində yayılma riskinin tamamilə aradan qaldırıldığını bəyan ediblər.
ELAZ.İNFO xəbər verir ki, “Rospotrebnadzor” hazırda ABŞ-ın Arizona ştatında və Santa-Fe şəhərində aşkar edilən yeni yoluxma hadisələrini diqqətlə izləyir. Mütəxəssislərin rəyinə görə, 2025-ci ildə dünyada 67 nəfərin bu xəstəliyə yoluxması taunun hələ də qlobal təhlükə olduğunu göstərsə də, Rusiyada tətbiq edilən monitorinq sistemləri kütləvi yoluxma ehtimalını sıfıra endirib.
Görülən genişmiqyaslı preventiv tədbirlərə daxildir: Daimi nəzarət: Rusiyadakı 11 təbii taun ocağında mütəxəssislər tərəfindən fasiləsiz müşahidələr aparılır. Transsərhəd əməkdaşlıq: Ölkədəki 7 təbii ocaq Azərbaycan, Qazaxıstan, Çin və Gürcüstan kimi ölkələrlə həmsərhəd ərazilərdə yerləşdiyi üçün 10 ildən artıqdır ki, birgə monitorinq proqramları icra olunur. Praktiki hazırlıq: Son 5 il ərzində 1500-dən çox mütəxəssisin iştirakı ilə 29 fərqli təlim keçirilərək operativ reaksiya bacarıqları təkmilləşdirilib.
Bundan əlavə, Rusiya hər il MDB ölkələrinə minlərlə doza taun əleyhinə vaksin ötürməklə regional təhlükəsizliyə töhfə verir. Hətta uzaq Madaqaskarda belə bu infeksiyanın törədicilərinin tədqiqatlarına başlanılıb ki, bu da beynəlxalq səviyyədə profilaktik addımların ciddiliyindən xəbər verir.
Ruslan Məmmədov
