ABŞ İranla maliyyə əməliyyatlarına icazə verilmiş daha bir bankın icazəsini ləğv edəcək
ELAZ.İNFO xəbər verir ki, ABŞ Maliyyə Nazirliyi oktyabrın 15-də İrana qarşı yeni məhdudiyyətlər elan edib. Yeni tədbirlər sanksiyalara məruz qalmış İranla əlaqəli şəxslər və qurumlarla İraq İnkişaf Bankı vasitəsilə həyata keçirilən maliyyə əməliyyatlarını hədəf alır.
Nazirliyin bəyanatına əsasən, bu bankın, eləcə də bankın birbaşa və ya dolayı yolla ən azı 50 faizinə sahib olduğu qurumların İranla əlaqəli sanksiyalı şəxslər və təşkilatlarla əməliyyatlar aparmasına verilən icazə oktyabrın 30-dək qüvvədə qalacaq. Həmin tarixdən sonra ayrıca icazə verilmiş hallar istisna olmaqla, bu cür əməliyyatlar qadağan ediləcək.
ABŞ-ın maliyyə naziri Skott Bessent isə Vaşinqtonun Tehrana qarşı iqtisadi təzyiqləri davam etdirəcəyini vurğulayıb. O bildirib ki, İranın hərbi strukturunu və dəstəklədiyi qrupları maliyyələşdirən əsas maliyyə kanalları kəsilənədək bu səylər dayandırılmayacaq.
Aydan
