ELAZ.İNFO xəbər verir ki, Bakıda tarixi-dini abidələrin qorunması məsələsinə həsr olunan konfrans keçiriləcək.
Tədbirdə tarixi və dini-mədəni irsin qorunması, bərpa proseslərində müasir yanaşmalar, dini icmaların rolu və işğaldan azad edilmiş ərazilərdə bərpa olunan abidələrin əhəmiyyəti müzakirə olunacaq.
Konfransın 2026-cı ilin Azərbaycanda “Şəhərsalma və Memarlıq İli” elan edilməsi çərçivəsində keçirilməsi nəzərdə tutulub.
Konfransda mütəxəssislər və dövlət qurumlarının nümayəndələri tarixi abidələrin şəhər mühitində qorunması ilə bağlı fikir mübadiləsi aparacaqlar.
Günel GÜNTAC
