Rusiya Xarici İşlər Nazirliyinin (XİN) rəsmi nümayəndəsi Mariya Zaxarova Moskva və Vaşinqton arasında ikitərəfli münasibətlərdəki “qıcıqlandırıcı faktorların” ləğvi üzrə növbəti təmasların vaxtının dəqiqləşdirildiyini bildirib.
ELAZ.İNFO xəbər verir ki, дипломат Rusiya tərəfinin ikitərəfli münasibətlərin tam şəkildə normallaşdırılması üçün önəmli olan prioritet məsələlərin məqsədyönlü müzakirəsinə keçməyə və amerikalı tərəfdaşlarla işi davam etdirməyə hazır olduğunu vurğulayıb.
Zaxarova bildirib ki, Rusiya Xarici İşlər Naziri Sergey Lavrov və ABŞ Dövlət Katibi Marko Rubio (Marco Rubio) arasında iyulun 23-də Manilada əldə olunmuş razılaşmaya əsasən, görüşlərin logistikası öncədən elan edilmir və bu dialoq “sükut rejimində” aparılmalıdır.
O, həmçinin xatırladıb ki, Rusiya və ABŞ prezidentlərinin tapşırığı ilə 2025-ci ilin fevral ayından başlatlan bu görüşlər mütəmadi olaraq keçirilir. Rusiya tərəfi diplomatik nümayəndəliklərin fəaliyyətindəki texniki məsələlərdən daha vacib addımlara – müsadirə olunmuş Rusiya diplomatik mülkiyyətinin qaytarılmasına və birbaşa aviadaşımaların bərpa edilməsinə keçilməsini vacib sayır.
Bununla belə, diplomat əlavə edib ki, diplomatik missiyaların fəaliyyətinin bərpası istiqamətində müəyyən irəliləyişlər olsa da, tərəflərin yanaşmalarındakı fərqlər və “danışıqlar prosesinin ləngiməsi” səbəbindən Rusiya səfirliyi və baş konsulluqlarının fəaliyyətini tam həcmdə bərpa etmək hələlik mümkün olmayıb.
Ruslan MƏMMƏDOV
