“Qoznak” SC-nin marketinq və strategiya üzrə baş direktor müavini Georgi Kornilov 1 sentyabr 2026-cı il tarixindən etibarən rəqəmsal rublun kütləvi tətbiqinin çap olunan banknotların həcminə əhəmiyyətli təsir göstərməyəcəyini bildirib.
ELAZ.İNFO xəbər verir ki, şirkət rəsmisi uzunmüddətli perspektivdə həm nağd, həm də nağdsız ödənişlərin hesabına rəqəmsal rublun payının artacağını, lakin bunun nağd pul sifarişlərini kəskin azaltmayacağını vurğulayıb.
Rəqəmsal rubl nəğd və nağdsız formalarla yanaşı milli valyutanın üçüncü formasıdır. Mərkəzi Bankın platformasında saxlanılan hər bir rəqəmsal rubl unikal koda malikdir. Sentyabrın 1-dən başlayan kütləvi tətbiq mərhələli şəkildə həyata keçiriləcək: əvvəlcə ölkənin iri bankları, 2028-ci ilin sentyabrına qədər isə bütün kredit təşkilatları bu sistemə qoşulacaq. Vətəndaşlar üçün rəqəmsal rublla əməliyyatlar ödənişsiz olacaq.
Ruslan MƏMMƏDOV
