Çempionlar Liqasının pley-off mərhələsində İsrailin “Hapoel Beer-Şeva” klubu ilə qarşılaşan Azərbaycan çempionu “Sabah” haqqında geniş təqdimat məqaləsi dərc edib.
ELAZ.İNFO xəbər verir ki, Buxarestə baş tutan ilk oyunda “Sabah” 1:2 hesabı ilə məğlub olsa da, avqustun 25-də Bakıda keçiriləcək cavab matçında mərhələ adlamaq şanslarını qoruyur. Məqalədə xalq arasında “bayquşlar” kimi tanınan “Sabah” klubunun qısa müddətdə qazandığı uğurlar və Rusiya futbolu ilə bağlılıqları diqqətə çatdırılıb:
2017-ci ilin sentyabrında təsis edilən klub cəmi bir neçə il ərzində Azərbaycan futbolunun elit təbəqəsinə yüksəlib. Keçən mövsüm tarixində ilk dəfə Azərbaycan Premyer Liqasının çempionu olan “Sabah”, eyni zamanda 2025 və 2026-cı illərdə ölkə кубок-unun qalibi olub. Bu mövsüm ÇL-in təsnifat mərhələlərində Uelsin “Nyu-Seints” (2:0, 2:1), Finlyandiyanın “KuPS” (1:0, 2:0) və Danimarkanın “Oarhus” (1:2, 4:0) klublarını sıradan çıxarıb. “Hapoel” səddini keçəcəyi təqdirdə “Qarabağ”dan sonra Çempionlar Liqasının əsas mərhələsində oynayan 2-ci Azərbaycan klubu olacaq (məğlub olacağı halda isə Avropa Liqasında mübarizə aparacaq). Klubu müxtəlif vaxtlarda rusiyalı mütəxəssislər Murad Musayev və Vasili Berezutski çalışdırıblar. Heyətdə isə Amin Ramazanov, Aleksey İsayev və Abdulah Xaybulayev kimi Rusiya mənşəli, hazırda Azərbaycan millisinin formasını geyinən futbolçular yer alır.
Ruslan MƏMMƏDOV
