Azərbaycanda narkotik vasitələrin qanunsuz dövriyyəsi və qaçaqmalçılığına qarşı hüquq-mühafizə orqanları tərəfindən qətiyyətli mübarizə tədbirləri aramsız olaraq davam etdirilir. Növbəti uğurlu əməliyyat ölkənin cənub sərhəd zonasında reallaşdırılıb.
ELAZ.İNFO xəbər verir ki, Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən Astara rayonu ərazisində keçirilən növbəti uğurlu əməliyyat-axtarış tədbirləri zamanı qaçaqmalçılıq yolu ilə ölkəyə külli miqdarda narkotik vasitə gətirməyə cəhd edən şəxslər ifşa olunaraq saxlanılıb.
Hüquq-mühafizə orqanları əməkdaşlarının çevik və peşəkar müdaxiləsi nəticəsində qanunsuz dövriyyədən külli miqdarda güclü təsir edici vasitələr götürülüb. Keçirilən baxış zamanı həmin şəxslərdən tərkibi psixotrop maddələrlə xüsusi olaraq zənginləşdirilmiş 45 kiloqram marixuana, eləcə də 650 ədəd psixotrop tərkibli metadon həbi aşkarlanaraq maddi sübut kimi götürülüb. Faktla bağlı araşdırmalar və əməliyyat-istiqlal tədbirləri davam etdirilir.
Ruslan MƏMMƏDOV