Sabirabadda ağır yol nəqliyyat hadisəsi qeydə alınıb.
ELAZ.İNFO xəbər verir ki, dünən Sabirabad rayonunda ağır yol hadisəsi qeydə alınıb. Yaxa Dəllək sakini Əsədov Şamo Eyyub oğlu öz yolu ilə gedərkən “VAZ 2107” markalı avtomobil tərəfindən vurulub.
Hadisə nəticəsində Əsədov Şamo Eyyub oğlu ağır kəllə-beyin travması alıb. O, Şirvan Şəhər Xəstəxanasına aparılıb. Lakin xəstəni həyata qaytarmaq mümkün olmayıb.
Hadisə ilə bağlı təhqiqat aparılır.
Günel GÜNTAC
