Yüksək temperatur ərzaqların saxlanma müddətinə ciddi təsir göstərir. Xüsusilə süd məhsulları, bişmiş yeməklər və kəsilmiş meyvələr otaq temperaturunda uzun müddət qaldıqda keyfiyyətini itirə bilər.
ELAZ.İNFO xəbər verir ki, qida təhlükəsizliyi üzrə mütəxəssislər bildirirlər ki, bişmiş yeməkləri soyuduqdan sonra qısa müddətdə soyuducuya yerləşdirmək daha məqsədəuyğundur. Meyvə və tərəvəzlərin isə istifadədən əvvəl yuyulması tövsiyə edilir.
Düzgün saxlanma qaydalarına əməl etmək həm qida israfının qarşısını alır, həm də sağlamlıq baxımından mümkün riskləri azaldır.
Günel GÜNTAC
