ELAZ.İNFO xəbər verir ki, Malayziyanın Saravak ştatında tibbi xidmət göstərən helikopterin qəzaya uğraması nəticəsində beş nəfər həyatını itirib.
“Flying Doctor Service” çərçivəsində fəaliyyət göstərən helikopterin Long Lellang ərazisində qəza etdiyi bildirilir. Təyyarədə pilotla yanaşı Malayziya Səhiyyə Nazirliyinin dörd əməkdaşı olub. Onların hamısının öldüyü açıqlanıb.
Hadisə zamanı bölgədə meşə yanğınlarından yaranan tüstünün axtarış-xilasetmə işlərini çətinləşdirdiyi bildirilib. Qəzanın səbəbi ilə bağlı araşdırma başladılıb.
“Flying Doctor Service” kimi xidmətlər ucqar yaşayış məntəqələrinə tibbi yardımın çatdırılması baxımından mühüm rol oynayır. Saravak kimi coğrafi baxımdan mürəkkəb ərazilərdə hava nəqliyyatı bəzən tibbi xidmətə çıxışın əsas vasitələrindən birinə çevrilir.
Hadisə həmin xidmətin əməkdaşlarının ailələri və yerli səhiyyə sistemi üçün ağır itki kimi qiymətləndirilir.
Günel GÜNTAC
