ELAZ.İNFO xəbər verir ki, Şəkidə yerləşən istirahət mərkəzlərindən birində bədbəxt hadisə baş verib. “Şəki Yaylası” istirahət mərkəzində kanatın trosunun qırılması nəticəsində iki nəfər həyatını itirib.
Hadisənin sentyabrın 8-də baş verdiyi bildirilir. İlkin məlumatlara görə, trosun qırılması nəticəsində yaranan hadisə istirahət edən şəxslərin ölümü ilə nəticələnib.
Hadisədən sonra hüquq-mühafizə orqanlarının əməkdaşları əraziyə cəlb olunub. Faktla bağlı araşdırma aparılır və hadisənin texniki səbəblərinin müəyyənləşdirilməsi gözlənilir.
İstirahət və əyləncə obyektlərində istifadə olunan kanat, attraksion və digər qurğuların texniki vəziyyəti bu tip hadisələrdən sonra xüsusi diqqət tələb edir. Belə obyektlərdə təhlükəsizlik qaydalarının pozulması insan həyatı üçün ciddi risk yarada bilər.
Hadisənin bütün təfərrüatları araşdırmanın nəticəsindən sonra məlum olacaq.
Günel GÜNTAC
