ELAZ.İNFO xəbər verir ki, kiçik bir səhlənkarlıq belə infeksiyaya səbəb ola bilər.
Yay mövsümündə dəniz və hovuzlardan istifadə artsa da, onlardan zövq almaq müəyyən sağlamlıq riskləri də yaradır. Mütəxəssislər qeyd edirlər ki, sudan çıxdıqdan sonra uzun müddət yaş çimərlik geyimində qalmaq sağlamlıq üçün təhlükəli ola bilər; belə ki, bu vərdiş sidik yolları və göbələk infeksiyaları kimi problemlərə yol aça bilər.
Demək olar ki, hər yay daha tez-tez rast gəlinən vaginal infeksiyalar ifrazat, qaşınma, xoşagəlməz qoxu, yanğı hissi və cinsi əlaqə zamanı ağrı kimi əlamətlərlə özünü büruzə verir. Qadınları narahat edən bu problemlərin qarşısını almaq mümkündür. Bu məsələdə mütəxəssis tövsiyələrinə əməl etmək vacibdir. Vaginal nahiyəni təmizləyərkən həmişə öndən arxaya doğru silmək lazımdır, çünki anal nahiyədən gələn bakteriyalar vaginal dəlikdə infeksiya riskini artıra bilər. Genital nahiyənin yaş və nəmli qalması — xüsusilə yayda örtülü qaldığı üçün — vaginal infeksiyaların artmasına səbəb olur.
Buna görə də alt paltarı hər gün dəyişdirilməlidir; infeksiya olduqda isə dəyişdirmə tezliyi artırılmalı və paltarın gündə bir neçə dəfə dəyişdirilməsi məsləhət görülür. Hava keçirən pambıq alt paltarları seçilməli və mümkün olduqda ütülənməlidir. Hər kəsin dəri tipi fərqli olsa da, ətir və ya xoş qoxu tərkibli məhsullar allergiya, dərinin quruması və qıcıqlanmaya səbəb ola bilər ki, bu da öz növbəsində infeksiyaları tətikləyə bilər. Yuyucu vasitələr seçərkən ətirli məhsullardan qaçınmaq lazımdır. Yay aylarında genital nahiyədəki tüklərin tez təmizlənməsinə ehtiyac yarana bilər və bu, tez-tez baxım tələb edir. Təəssüf ki, bu məqsədlə istifadə olunan ülgüclər tük follikullarının iltihabına və abseslərə səbəb ola bilər. Buna görə də, mum (vaks) və ya lazerlə tük təmizləmə üsullarına üstünlük vermək daha yaxşı seçim olardı.
Adilə Vəliyeva
