Azərbaycanın paytaxtı Bakı özünün dinamik ritmi, zəngin mədəni irsi və hər zövqə xitab edən bənzərsiz musiqi layihələri ilə qonaqlarını heyran etməkdə davam edir. Şəhərin yay gecələrinə xüsusi rəng qatan açıq hava konsertləri paytaxt sakinlərinin və əcnəbi qonaqların ən sevimli mədəniyyət hadisəsinə çevrilib.
ELAZ.İNFO xəbər verir ki, dünən axşam Azərbaycan Dövlət Akademik Filarmoniyasının möhtəşəm Yay Zalında (Open Air Summer Hall) növbəti “Candlelight” konserti baş tutub. Tədbirdə rəsmi nümayəndələr, müxtəlif ölkələrin səfirləri və diplomatik korpusun təmsilçiləri (“colleagues-ambassadors”) iştirak ediblər.
Möhtəşəm təşkilatçılığa və unudulmaz gecəyə görə Azərbaycan Dövlət Akademik Filarmoniyasının rəhbərliyinə — baş direktor, professor Murad Adıgözəlzadəyə və direktor müavini Afət Mikayılova, eləcə də layihənin təşkilatçılarına və istedadlı musiqiçilərə xüsusi minnətdarlıq ifadə olunub. Qeyd edilib ki, bu cür bənzərsiz mədəniyyət tədbirləri musiqinin insanları birləşdirmək gücünü bir daha nümayiş etdirir, Bakını yaşamaq və ziyarət etmək üçün daha da cəlbedici bir məkana çevirir.
Ruslan MƏMMƏDOV