ELAZ.İNFO xəbər verir ki, İranın artıq atom bombası əldə etməsinin vaxtı çatıb. Çünki bunun bədəlini kifayət qədər ödəyib və bu yolda kifayət qədər qarşıdurmalar yaşayıb. Buna görə də artıq bombanı hazırlamaq lazımdır.
Bunu İran parlamentinin Milli Təhlükəsizlik Komissiyasının üzvü Əhməd Bəxşayeş Ərdestani deyib.
O İLNA xəbər agentliyinə verdiyi müsahibədə İranın nüvə silahı hazırlamağa cəhd edəcəyi təqdirdə beynəlxalq ictimaiyyətin ölkəyə qarşı vahid mövqe tutması ehtimalı ilə bağlı sualı da cavablandırıb:
“Belə bir konsensus artıq mövcuddur və ABŞ və Qərb ölkələri hazırda İrana qarşı tədbirlər görürlər”.
Aydan