Şirvan-Salyan Regional Mədəniyyət İdarəsinin tabeliyində fəaliyyət göstərən Şirvan şəhər Uşaq Musiqi Məktəbinin bir qrup qabaqcıl və fədakar müəllimi mükafatlandırılıb. Pedaqoqlar gənc nəslin musiqi təhsilindəki səmərəli fəaliyyətlərinə görə diqqət mərkəzinə gəliblər.
ELAZ.İNFO xəbər verir ki, müəllimlər tədris prosesinin yüksək səviyyədə təşkili və musiqi sənətinin inkişafındakı xidmətlərinə görə Şirvan-Salyan Regional Mədəniyyət İdarəsinin rəisi tərəfindən fəxri fərman və qiymətli hədiyyələrlə təltif olunublar.
Məktəbin tədris uğurlarında payı olan və mükafata layiq görülən müəllimlər müxtəlif ixtisaslar üzrə fəaliyyət göstərirlər: Fortepiano ixtisası üzrə: Nigar Məlikzadə, Ülkər Cabbarlı və Günel Məmmədova; Violin ixtisası üzrə: Mahir Fərəcov; Nağara ixtisası üzrə: Telman Nəsirov. Bu cür mükafatlandırmalar regionlarda fəaliyyət göstərən musiqi pedaqoqlarının motivasiyasının artırılması və gələcəkdə daha böyük uğurlara imza atmaları baxımından mühüm əhəmiyyət kəsb edir.
Ruslan MƏMMƏDOV