ELAZ.İNFO xəbər verir ki, Belarusun dövlət rəmzlərindən birinin yaradılmasında müstəsna xidmətləri olan Xalq şairi Vladimir Karizna 87 yaşında dünyasını dəyişib. Bu barədə Belarus Respublikasının Mədəniyyət Nazirliyi rəsmi məlumat yayıb.
Belarus Mədəniyyət Nazirliyinin kollektivi bu itki ilə bağlı dərin kədərini ifadə edib. Vladimir Karizna sadəcə bir müəllif deyil, ölkəsinin ən yüksək mükafatlarına layiq görülmüş şəxsiyyət idi: Belarusun Xalq şairi, Əməkdar mədəniyyət xadimi, Dövlət mükafatı laureatı. Fransisk Skorini ordeni kavaleri.
1938-ci il mayın 25-də Minsk vilayətində anadan olan şairin yaradıcılığı vətənə sevgi ilə yoğrulmuşdu. Onun irsi zənginliyi ilə seçilir: Belarus Respublikası dövlət himninin mətninin həmmüəllifidir. 200-dən çox mahnı mətni yazıb. Həm böyüklər, həm də uşaqlar üçün çoxsaylı şeir toplularının müəllifidir. Xalq şairi ilə vida mərasiminin vaxtı və yeri barədə məlumatın daha sonra veriləcəyi bildirilib.
Ruslan MƏMMƏDOV
