ELAZ.İNFO xəbər verir ki, ABŞ-ın Rod-Aylend ştatının Potaket şəhərində məktəblilər arasında keçirilən hokkey matçı qanlı faciə ilə nəticələnib. Buz arenasındakı qarşıdurma zamanı atəş açılıb. Hadisə iki məktəbin komandaları arasında oyun getdiyi vaxt baş verib. Atışma nəticəsində: 1 nəfər hadisə yerində dünyasını dəyişib; 4 nəfər müxtəlif dərəcəli bədən xəsarətləri ilə xəstəxanalara yerləşdirilib.
Polis orqanlarının verdiyi ilkin məlumata görə, atəş açan şəxs artıq ölüdür. Lakin onun kimliyi və hadisəni hansı motivlə törətdiyi barədə hələlik rəsmi açıqlama verilməyib. Yaralıların vəziyyəti və hadisənin təfərrüatları ilə bağlı araşdırmalar davam edir.
Qeyd edək ki, ABŞ-da təhsil müəssisələrində və kütləvi tədbirlərdə odlu silahdan istifadə halları son vaxtlar ciddi narahatlıq doğurmağa davam edir.
Ruslan MƏMMƏDOV
