ELAZ.İNFO xəbər verir ki, Time jurnalı dünən İran Səhiyyə Nazirliyinin yüksək vəzifəli rəsmilərinə istinadən “etirazlarda 30.000 insanın öldüyü” iddiası ilə bağlı bir hesabat dərc etdi. Hesabatda etirazçılara qarşı partlayıcı maddələrdən istifadə edildiyini iddia edən ekspert rəyləri də yer aldı.
İran bu iddianı təkzib etdi. İran Xarici İşlər Nazirliyinin sözçüsü İsmayıl Bekayi X sosial media platformasında iddiaları “Hitler üslubunda böyük bir yalan” adlandırdı. Bekayi dedi: “İran küçələrində öldürməyi planlaşdırdıqları rəqəm bu deyildimi? Amma uğursuz oldular”.
Bekayi 30.000 ölüm iddiasının “pis niyyətli şəxslər” tərəfindən irəli sürüldüyünü iddia edərək əlavə etdi ki, “indi mediada saxtakarlıq etməyə çalışırlar”.
İlahə BAYINDIR
