Yasamalda su borusu partladı: Küçəni su basdı

ELAZ.İNFO xəbər verir ki, Bakının Yasamal rayonunda səhər saatlarında kommunal qəza yaşanıb. Həsən bəy Zərdabi küçəsində su borusunun partlaması nəticəsində əraziyə böyük miqdarda su yayılıb.

Hadisə küçənin 69 nömrəli ünvanında qeydə alınıb. Qəzanın görüntüləri sosial şəbəkələrdə də yayılıb.

Su xəttində yaranan nasazlıqdan sonra əraziyə aidiyyəti qurumların əməkdaşları cəlb olunub. Qəzanın aradan qaldırılması və su sızmasının qarşısının alınması istiqamətində iş aparılıb.

Hadisənin səbəbi və su təchizatında yaranan mümkün məhdudiyyətlərlə bağlı əlavə məlumat veriləcəyi gözlənilir.

Qeyd edək ki, Bakıda köhnə kommunal xətlərdə baş verən bu tip qəzalar xüsusilə intensiv hərəkətin olduğu küçələrdə həm piyadalar, həm də sürücülər üçün əlavə çətinlik yaradır.

Günel GÜNTAC