Ukraynada gecə hücumları: Enerji infrastrukturu zədələndi, ölənlər var

ELAZ.İNFO xəbər verir ki, Ukraynada gecə saatlarında həyata keçirilən genişmiqyaslı hava hücumları paytaxt Kiyev və ətraf ərazilərdə ciddi fəsadlara səbəb olub.

Ukrayna rəsmilərinin məlumatına görə, hücumlarda ən azı dörd nəfər həyatını itirib. Ölənlər arasında uşağın da olduğu bildirilir. Zərbələrin bir hissəsi enerji obyektlərinə yönəlib və nəticədə elektrik şəbəkəsində problemlər yaranıb.

Kiyev və ətraf bölgələrdə bəzi yaşayış məntəqələri elektrik enerjisinin verilişində fasilələrlə üzləşib. Hücumların ardınca fövqəladə xidmətlər zərər çəkmiş ərazilərdə iş aparıb.

Ukrayna hakimiyyəti enerji sisteminə zərbələrin qış mövsümü ərəfəsində əlavə risk yaratdığını bildirir.

Müharibənin enerji infrastrukturu üzərindən davam edən təzyiqi Ukraynada qarşıdakı aylarda elektrik və istilik təminatı məsələsini yenidən əsas gündəm mövzularından birinə çevirir.

İlahə BAYINDIR