“Prezidentin mesajı qətidir – Beynəlxalq Hüquq yoxdur, güc var!”
ELAZ.İNFO xəbər verir ki, Salyan rayon MCP-nin təşkilat sədri Ruslan Məmmədov dövlət başçısı İlham Əliyevin 5 yanvar 2026-cı il tarixli yerli televiziya müsahibəsini və Yeni il müraciətini geniş şərh edib. Təşkilat sədri Prezidentin dünyaya ünvanladığı strateji mesajların Azərbaycanın sarsılmaz qüdrətini nümayiş etdirdiyini bildirib. Ruslan Məmmədov Prezidentin ən sərt və realist bəyanatına diqqət çəkib: Cənab Prezident açıq şəkildə bəyan etdi ki, bugünkü dünyada beynəlxalq hüquq normaları faktiki olaraq işləmir. Kim güclüdürsə, haqlı da odur. Bu, sadəcə bir bəyanat deyil, acı dünya reallığının ifşasıdır. Azərbaycan öz haqqını kağızlarla deyil, ‘Dəmir Yumruq’la bərpa etdiyini bütün dünyaya sübut etdi.”
Təşkilat sədri vurğulayıb ki, 2025-ci il müharibənin həm hərbi, həm də siyasi baxımdan tam yekunlaşdığı il kimi tarixə düşüb: Prezidentin qeyd etdiyi kimi, biz artıq sülh şəraitində yaşamağı öyrənirik. Amma bu sülh kimsənin bizə hədiyyəsi deyil, ordumuzun gücü və xalqımızın birliyi sayəsində əldə olunub. Ermənistan və onun havadarları anlamalıdır ki, revanşizm cəhdləri intihar deməkdir. Ruslan Məmmədov 2026-cı ilin “Şəhərsalma və Memarlıq İli” elan olunmasının Salyan kimi rayonlar üçün də yeni inkişaf perspektivləri açacağını qeyd edib: Dövlət başçısı idarəetmədə şəffaflığı və ‘Ağıllı şəhər’ modelini əsas hədəf seçib. Biz MCP olaraq bu yeni dövrün tələblərini dəstəkləyirik. Kim dövlətə və xalqa xidmət edə bilmirsə, yolumuz onlarla deyil.
Sitat:”Prezident İlham Əliyev bir daha göstərdi ki, Azərbaycanla təzyiq dilində danışmaq mümkün deyil. Bizim yolumuz müstəqil, güclü və qalib Azərbaycan yoludur!”
İlahə BAYINDIR
