Olgun Şimşek çəkiliş meydançasına qayıdır
ELAZ.İNFO xəbər verir ki, Olgun Şimşek iddialı yeni bir seriala qoşulur.
Sonuncu dəfə “Kara Ağaç Destanı” serialında ekranlara çıxan tanınmış aktyor Olgun Şimşek çəkiliş meydançasına geri dönür. O, “Bozdağ Film” tərəfindən TRT1 üçün hazırlanan “Yörük Kızı / Güneşli Günler” adlı yeni serialın heyətinə qoşulub.
“Eşkıya Dünyaya Hükümdar Olmaz”, “Ramo” və “Kara Ağaç Destanı” kimi layihələrlə adından söz etdirən Olgun Şimşek bir müddət idi ki, ekranlardan uzaq qalmışdı.
Maraqla gözlənilən bu serialda Şimşek, Toros dağlarındakı sonuncu köçəri Yörük ailəsinin başçısı, həmçinin Ferhat, Güneş (Mina Demirtaş tərəfindən canlandırılır) və Ceylan obrazlarının atası olan “Yaşar” rolunu ifa edəcək.
“Güneşli Günler” adı ilə də tanınan serial, köçəri Yörük ailəsindən olan gənc Güneşin universitetə qəbul imtahanlarında Türkiyə üzrə birinci yeri tutmasından sonra baş verən maraqlı hadisələrdən bəhs edir. Bu uğur ailənin, qızlarının təhsili naminə İstanbulun elit məhəllələrindən birindəki yaşayış binasına köçməsinə səbəb olur.
Aydan
