ELAZ.İNFO xəbər verir ki, NATO ölkələrinin xarici işlər nazirləri Rusiya-Ukrayna müharibəsini müzakirə etmək üçün Belçikanın Brüssel şəhərindəki qərargahda bir araya gəldilər.
Görüşdə xarici işlər naziri Hakan Fidan da iştirak etdi. Reuters-in məlumatına görə, nazir Fidan NATO-nun baş katibi Mark Rutte ilə Qara dəniz təhlükəsizliyini müzakirə edib. Ukrayna qüvvələri son bir həftə ərzində Türkiyə sularında Rusiya ilə əlaqəli gəmilərə çoxsaylı hücumlar həyata keçirib.
Görüş iyul ayında Ankarada keçiriləcək sammitə hazırlıq və “Rusiya təhdidi”nə qarşı Ukraynaya dəstək məsələlərinə yönəlib. NATO-nun baş katibi Rutte açılış nitqində Rusiyanın “alyansın çəkindirmə qabiliyyətini sınamağa davam etdiyini” bildirib.
“O, təyyarələr və dronlarla hava məkanımızı pozub, təxribat aktları törədib və ərazi sularımıza casus gəmiləri göndərib. Bu hərəkətlər ehtiyatsız və təhlükəlidir”,- deyə Rutte əlavə edib.
