Gömrük orqanları tərəfindən qanunsuz dövriyyədən çıxarılan külli miqdarda narkotik vasitə məhv edilib
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının təşkilatçılığı ilə genişmiqyaslı məhvetmə prosesi həyata keçirilib.
ELAZ.İNFO xəbər verir ki, “Bakı Neft Maşınqayırma zavodu” MMC-nin ərazisində məhkəmə qərarları ilə müsadirə olunmuş ümumilikdə 5 ton 155 kq narkotik vasitə, psixotrop maddə və prekursorlar, eləcə də 140 min ədəd həb və 13 min 367 ədəd çətənə bitkisi yandırılaraq məhv edilib.
Məhvetmə prosesində müxtəlif dövlət qurumlarının, o cümlədən Baş Prokurorluq, Ali Məhkəmə, Daxili İşlər Nazirliyi, Dövlət Gömrük Komitəsi, DTX, DSX, Ədliyyə, Səhiyyə nazirlikləri və TƏBİB-in nümayəndələri iştirak ediblər. Proses zamanı xüsusilə Dövlət Gömrük Komitəsinin Əməliyyat-İstintaq Baş İdarəsinin icraatında olmuş 18 cinayət işi üzrə aşağıdakı maddələr məhv edilib:
216 kiloqram 379,877 qram və 1156 həb. 1 kiloqram 249,572 qram və 2472 həb. Güclü təsir edən maddələr: 836 həb. Digər dərman vasitələri: 287 qutu və 684 həb.
Ruslan MƏMMƏDOV
