ELAZ.İNFO xəbər verir ki,siyasi partiyaların və blokların fraksiyalarının qarşılıqlı əlaqəsinin MDB ölkələrinin parlamentlərarası əməkdaşlığındakı rolu” mövzusunda Beynəlxalq Konfransda milli məclisin deputatları da iştirak edib.
Milli məclisin deputatı Razi Nurullayevin çıxış xüsusi diqqət çəkib. Çıxışı diqqətinizə çatdırırıq.
Həmkarlar, hörmətli konfrans iştirakçıları!
Bu toplantımız MDB-nin parlament ölçüsünün malik olduğu zənginlik və potensialın kiçik bir modeli hesab oluna bilər.
Bu gün burada Müstəqil Dövlətlər Birliyinin bütün rəngarəng palitrası təmsil olunub. Mən burada qədim dövlətçilik ənənələrinə malik Özbəkistandan olan həmkarlarımızı, geniş siyasi və iqtisadi islahatları uğurla həyata keçirən Qazaxıstandan nümayəndələri görürəm. Burada Şərqin müdrikliyinin daşıyıcıları olan Tacikistan təmsilçiləri və dinamik inkişaf göstərən Qırğızıstan nümayəndələri də var.
Yanımızda həmçinin inteqrasiya quruculuğunda unikal təcrübəyə malik Belarusdan, eyni zamanda regionlararası dialoqda mühüm rol oynayan Moldova nümayəndələri də əyləşiblər.
Rusiya ilə bizi strateji tərəfdaşlıq münasibətləri və bir çox sahələrdə illərlə davam edən səmərəli əməkdaşlıq bağlayır. Biz bu gündəliyi yüksək qiymətləndirir və onun daha da dərinləşməsi üçün böyük potensial görürük. Buna parlamentlərarası kanallar da daxildir.
Ermənistana gəldikdə isə,
2025-ci il avqustun 8-də ABŞ Prezidenti Donald Trampın təşəbbüsü ilə Vaşinqtonda Azərbaycan Prezidenti İlham Əliyevlə Ermənistanın Baş naziri Nikol Paşinyan arasında həlledici görüş baş tutdu. Nəticədə sülh sazişi layihəsinin paraflanması təmin edildi ki, bu da normallaşma prosesinin əsas memarı kimi Azərbaycanın rolunu bir daha təsdiqlədi.
Biz əminik ki, parlament diplomatiyası, ölkələrimizin deputatları arasında birbaşa dialoq Cənubi Qafqazda dayanıqlı sülhün qurulması, etimadın bərpası və gələcək mehriban qonşuluq münasibətlərinin formalaşdırılması üçün mühüm körpü ola bilər və olmalıdır.
Fraksiyaların qarşılıqlı fəaliyyəti mövzusu son dərəcə aktualdır. Hər bir parlamentdə siyasi spektr genişdir, lakin məhz ölkə daxilində dialoq və kompromis axtarışı nəticəsində biz daha sonra parlamentlərarası əməkdaşlıq meydanına çıxardığımız mövqe formalaşır.
Mən əminəm ki, parlamentlərimizin fraksiyaları təhlükəsizlik, “yaşıl” iqtisadiyyat, logistika və ya mədəni-humanitar layihələr kimi prioritetlər üzrə ümumi mövqelər tapdıqda, əməkdaşlığımızın effektivliyi dəfələrlə artır.
Mən istəyirəm ki, qarşılıqlı fəaliyyət daha sistemli olsun. Gəlin təkcə dialoq platformaları yaratmaqla kifayətlənməyək, fraksiyalar və siyasi partiyalar səviyyəsində konkret istiqamətlər üzrə birgə işçi qrupları formalaşdıraq. Bu, görüşlərimizə həm məzmun, həm də real nəticə qazandıracaq.
Ruslan MƏMMƏDOV
