30 sentyabrda hava necə olacaq? — Yağış və külək ehtimalı var

Sentyabrın son günü Azərbaycanda hava şəraiti bəzi ərazilərdə dəyişkən olacaq. Payızın ilk ayının son günündə xüsusilə rayonlarda yağış, ayrı-ayrı yerlərdə isə leysan və şimşək ehtimalı var.

Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu, arabir tutulmuş olacaq. Gün ərzində əsasən yağmursuz hava gözlənilir, lakin gecə bəzi yerlərdə qısamüddətli yağış yağa bilər.

Paytaxtda temperatur gecə 17-19°, gündüz isə 21-25° isti olacaq. Küləyin istiqaməti də dəyişəcək: mülayim şimal-qərb küləyi gün ərzində şimal-şərq küləyi ilə əvəzlənəcək.

Rayonlarda vəziyyət bir qədər fərqli olacaq. Bəzi yerlərdə yağış, ayrı-ayrı ərazilərdə leysan xarakterli intensiv yağıntı, şimşək və dolu ehtimalı var. Gecə və səhər bəzi yerlərdə duman müşahidə edilə bilər.

Rayonlarda havanın temperaturunun gecə 17-20°, gündüz 25-29° isti olacağı bildirilir. Dağlıq ərazilərdə isə temperatur gecə 4-8°, gündüz 10-15° isti təşkil edəcək. Yüksək dağlıq ərazilərdə yağıntının sulu qar və qara keçməsi ehtimalı da var.

elaz.info