Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzinə yeni direktor təyin olunub.
ELAZ.İNFO xəbər verir ki, sözügedən təhsil müəssisəsinin direktoru vəzifəsinə Orxan Rəhimov gətirilib.
O.Rəhimov 2006-cı ildə Azərbaycan Dövlət İqtisad Universitetinin İstehsal və xidmət sahələrinin iqtisadiyyatı / Mühəndis iqtisadiyyatı fakültəsinə daxil olub və 2010-cu ildə bakalavr təhsilini başa vurub. O, 2011-ci ildə həmin universitetin Biznesin idarə edilməsi fakültəsində magistraturaya qəbul olunaraq 2014-cü ildə təhsilini tamamlayıb.
Zəngin əmək fəaliyyətinə 2011-ci ildə başlayan Orxan Rəhimov müxtəlif illərdə özəl və dövlət sektorunda bir sıra məsul vəzifələrdə çalışıb: 2011–2012-ci illər: Azərbaycan Beynəlxalq Bankı; 2012–2015-ci illər: “Bank Technique” ASC; 2017-ci ildən: “SOCAR Methanol” MMC; 2018–2024-cü illər: Sənaye və İnnovasiyalar üzrə Bakı Dövlət Peşə Təhsil Mərkəzində direktor müavini; 2024–2026-cı illər: Dəmir Yolu və Metropoliten üzrə Bakı Dövlət Peşə Təhsil Müəssisəsində direktor. Orxan Rəhimov 12 avqust 2026-cı il tarixindən etibarən Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzinin direktoru vəzifəsinin icrasına başlayıb.
Ruslan MƏMMƏDOV
