Mədəniyyət naziri Adil Kərimli Hacıqabulda vətəndaşları qəbul edəcək
ELAZ.İNFO Mədəniyyət Nazirliyinə istinadən xəbər verir ki, mərkəzi icra hakimiyyəti orqanları rəhbərlərinin rayonlarda vətəndaş qəbulu cədvəlinə uyğun olaraq növbəti görüş keçiriləcək. Mədəniyyət naziri Adil Kərimli 2026-cı il martın 13-də, saat 10:00-da Hacıqabul rayonunda vətəndaşları qəbul edəcək.
Görüş Hacıqabul şəhəri, İsmət Qayıbov küçəsi 40 ünvanında yerləşən Heydər Əliyev Mərkəzində baş tutacaq. Qəbulda aşağıdakı rayonların sakini olan vətəndaşlar iştirak edə bilərlər: Hacıqabul, Şirvan, Salyan, Neftçala ,Biləsuvar
Vətəndaşların müraciətlərinin qeydiyyata alınması üçün son tarix 10 mart 2026-cı il müəyyən edilib. Qəbula yazılmaq istəyən şəxslər aşağıdakı vasitələrlə müraciət edə bilərlər:
- Elektron poçt: info@culture.gov.az
- Telefon nömrəsi: (012) 493-43-98
Qəbul zamanı vətəndaşların mədəniyyət sahəsinə dair təklifləri, şikayətləri və müraciətləri nazir tərəfindən fərdi qaydada dinləniləcək.
Ruslan MƏMMƏDOV
