Ukrayna Prezidentinin Bəyanatı
Ukrayna Prezidenti Volodimir Zelenski paytaxt Kiyevin energetika və kritik infrastrukturasının mühafizəsi, eləcə də şəhərin dayanqlılıq planının (resilience plan) sürətləndirilməsi ilə bağlı təcili idarəetmə və təhlükəsizlik məsləhətləşmələrinə başladığını bəyan edib.
ELAZ.İNFO xəbər verir ki, Qərargahın (Stavka) iclasında təqdim olunan hesabatlara əsasən, oktyabrın sonuna olan vəziyyətə görə ölkənin bir çox regionlarında – hətta cəbhəboyu və sərhədyanı bölgələrdə dayanqlılıq planlarının icrası Kiyevlə müqayisədə daha yüksək göstəricilərə malikdir. Paytaxt sakinləri bu fərqi aydın hiss edirlər, çünki hətta tək-tək “Şahed” dron hücumlarından sonra şəhərin böyük hissəsində elektrik və su təminatında ciddi kəsintilər yaranır.
Mövcud vəziyyəti aradan qaldırmaq və Kiyev sakinlərinə dəstəyi artırmaq məqsədilə xüsusi məsləhətləşmələr çərçivəsində təhlükəsizlik sektoru, biznes və yerli özünüidarəetmə nümayəndələri – Vasıl Maluk, İvan Fedorov, İhor Terexov, Kostyantın Yefımenko və Maksım Yefımov ilə görüşlər keçirilib. Dövlət başçısı bildirib ki, hökumət və ordu ilə birgə kritik infrastrukturların mühafizəsi, operativ qərarların qəbulu və Kiyevin idarəetmə prosedurlarının təkmilləşdirilməsi istiqamətində əsaslı Addımlar hazırlanır.
Ruslan MƏMMƏDOV
