Regionlarda Genişmiqyaslı Maarifləndirmə Kampaniyasına Start Verildi

Əmək və Əhalinin Sosial Müdafiəsi Nazirliyi tərəfindən “Əmək münasibətlərində gender bərabərliyi – bərabər hüquqlar, bərabər imkanlar” mövzusunda ölkə regionlarında silsilə maarifləndirmə tədbirlərinə başlanılıb.

ELAZ.İNFO xəbər verir ki, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin və Nazirliyin tabeliyində olan Dövlət Məşğulluq Agentliyinin birgə təşkilatçılığı ilə həyata keçirilən tədbirlərin əsas məqsədi əmək münasibətlərində gender bərabərliyinin təmin edilməsi, eləcə də qadınların əmək bazarında fəal iştirak imkanlarının artırılması üçün əmək qanunvericiliyinə edilmiş son yeniliklər barədə ictimaiyyəti və işəgötürənləri ətraflı məlumatlandırmaqdır.

İlk Ünvan Quba: 83 Müəssisənin Nümayəndəsi İştirak EdibMaarifləndirmə layihəsi çərçivəsində ilk regional tədbir Quba rayonunda təşkil olunub. Görüşdə Nazirliyin və onun tabeliyindəki müvafiq qurumların nümayəndələri ilə yanaşı, şimal regionunda dövlət və özəl sektoru təmsil edən 83 müəssisə və təşkilatın məsul şəxsləri iştirak ediblər.

İşəgötürənlərin və sosial tərəfdaşların iştirakı ilə keçirilən görüşlərdə aşağıdakı mühüm istiqamətlər üzrə ətraflı məlumat verilib və iştirakçıların sualları cavablandırılıb: Əmək Məcəlləsindəki Yeniliklər: Qadın çalışanlar üçün nəzərdə tutulan güzəştlər, imtiyazlar və əlavə sosial təminatlar. Dövlət Məşğulluq Agentliyinin işəgötürənlərə və işarayana təqdim etdiyi müasir dəstək mexanizmləri. Azərbaycanın Bərabər Əməkhaqqı üzrə Beynəlxalq Koalisiyaya (EPIC) qoşulması və bunun əmək bazarındakı əhəmiyyəti. Bütün İqtisadi Rayonları Əhatə Edəcək. Gender bərabərliyi və əmək hüquqları ilə bağlı maarifləndirmə tədbirlərinin mərhələli şəkildə respublikamızın bütün iqtisadi rayonlarında keçirilməsi planlaşdırılır.

Ruslan MƏMMƏDOV