Ukraynada cəbhə xəttində hərbi aktivlik davam edir. Konstantinovka istiqamətində nəzarəti genişləndirmək məqsədilə hərbi əməliyyatların coğrafiyası növbəti yaşayış məntəqələrinə doğru irəliləyib.
ELAZ.İNFO xəbər verir ki, Rusiya qüvvələri iyulun 3-də Konstantinovka qəsəbəsini nəzarətə götürdükdən sonra şimal-qərb istiqamətində hücumu davam etdirərək eyni vaxtda iki yaşayış məntəqəsi — Osıkovo və Alekseyevo-Drujkovka uğrunda döyüşlərə başlayıb. Bu barədə hərbi ekspert Andrey Maroçko məlumat verib.
Maroçkonun sözlərinə görə, Rusiya hərbçilərinin şimal-qərb istiqamətində irəliləməsi Konstantinovanın tamamilə nəzarətə götürülməsi faktını bir daha təsdiqləyir. Ekspert həmçinin əlavə edib ki, hücum edən qüvvələr hazırda qeyd olunan istiqamətlərlə yanaşı, Konstantinovanın şimal-şərq hissəsində də təsir və nəzarət zonasını genişləndirməkdədir. Bölgədə şiddətli döyüşlərin davam etdiyi bildirilir.
Ruslan MƏMMƏDOV