ElAZ.İNFO BAKI O7.05.2025
ELAZ.İNFO xəbər verir ki, “yeni Roma papası mayın 7-dən sonra məlum olacaq. Roma Katolik Kilsəsinin növbəti rəhbərini seçmək üçün kardinalların gizli toplantısı mayın 7-də başlayacaq”. Bu barədə Vatikandakı yüksək rütbəli mənbə məlumat verib.
Məlumat üçün bildirək ki, “Vatikan cəmi 0,44 kvadrat kilometr ərazisi ilə dünyanın ən kiçik ölkəsidir. Onun yeraltı mərkəzdən idarə olunan 650-dən çox CCTV kamerası var. İsveçrə Qvardiyası ənənəvi görünüşünə baxmayaraq, ağır silahlara malikdir və tam hüquqlu ordu kimi fəaliyyət göstərir. Papanın seçkiləri necə texno-konklava çevriləcək”.
Qeyd edək ki, konklavda yaşı 80-dən aşağı olan 135 kardinal iştirak edə bilər. Dünya üzrə 1,4 milyard dindarın kilsəsinə kimin rəhbərlik edəcəyinə onlar qərar verəcəklər. 2005 və 2013-cü illərdəki son iki konklav cəmi iki gün davam etdi, lakin bu dəfə görüşün nə qədər davam edəcəyini proqnozlaşdırmaq çətindir. 21-ci əsr konklavlarının başqa bir xüsusiyyəti texnologiyadan istifadəyə qarşı xüsusi təhlükəsizlik tədbirləridir. Axı indi papaya seçkiləri pilotsuz təyyarələr və peyklər vasitəsilə izləmək mümkün olacaq.
Esmira RƏHİMOVA
