ELAZ.İNFO, BAKI, 12.05.2025.
ELAZ. İNFO xəbər verir ki, Qazaxıstan millisi buzda xokkey üzrə dünya çempionatının qrup mərhələsinin oyununda Almaniya yığmasına 1:4 hesabı ilə uduzub. Görüş Danimarkada baş tutub.
TASS-ın yazdığına görə qalib komandanın qollarını Maksimilian Kastner (14-cü dəqiqə), Voytek Staxovyak (35), Lukas Reyxel (42) və Lukas Koelbl (46) vurub. Uduzan komandanın qoluna Nikita Mixaylis (4) imza atıb.
Məlumat üçün bildirək ki, Almaniya və Qazaxıstan komandaları B qrupunda mübarizə aparır.Almanlar 6 xalla 2-ci yerdədir. Qazaxıstan komandası 3 xal toplayıb və 4-cü yerdədir. Növbəti oyunda almanlar Norveçlilərlə, Qazaxıstan komandası isə Macarıstan komandası ilə qarşılaşacaq. Oyunlar mayın 13-də baş tutacaq.
Onu da qeyd edək ki, A qrupunun oyununda Kanada komandası Latviya komandasını 8-1 hesabı ilə məğlub edərək turnirdəki ikinci qələbəsini qazanıb.
Esmira RƏHİMOVA
