ELAZ.İNFO xəbər verir ki, Rusiya Dövlət Dumasının sədri Vyaçeslav Volodin mart ayından etibarən qüvvəyə minəcək yeni qanunvericilik dəyişiklikləri barədə məlumat verib. Əsas yeniliklərdən biri dələduzluq hallarının qarşısını almaq üçün nəzərdə tutulmuş “Antifrod” dövlət sisteminin işə düşməsidir. Bu sistem dələduzların əməllərini daha effektiv aşkar etməyə və idarələr arasında operativ məlumat mübadiləsi apararaq cinayətlərin qarşısını almağa imkan verəcək, – deyə Volodin öz “Max” kanalında yazıb.
Mart ayından etibarən istehlakçıların hüquqlarını qoruyan bir neçə mühüm norma qüvvəyə minir: Avtomatik abunəliklərin ləğvi: İstifadəçi abunəliyi yeniləməkdən imtina edibsə, onlayn xidmətlər avtomatik pul silə bilməyəcək. Mikromaliyyə təşkilatları (MFT) üçün məhdudiyyətlər: MFT-lər müştərinin razılığı olmadan kredit müqavilələrinin bağlanması cəhdləri barədə Mərkəzi Bankı məlumatlandırmağa borclu olacaqlar.
Vyaçeslav Volodin bildirib ki, mart ayından etibarən miqrantların işdən çıxarılması üçün əsaslar genişləndirilir. İşəgötürənlər əcnəbilərlə müqavilələri yalnız federal deyil, həm də regional məhdudiyyətlərə riayət etmək üçün ləğv edə biləcəklər. Bu, miqrasiya sahəsində qayda-qanun yaratmaq üçün növbəti addımdır, – deyə Dumanın sədri əlavə edib.
Ruslan MƏMMƏDOV
