Bakı beynəlxalq diplomatik görüşlərə ev sahibliyi edir

ELAZ.İNFO xəbər verir ki, Azərbaycanın paytaxtında Asiyada Qarşılıqlı Fəaliyyət və Etimad Tədbirləri üzrə Müşavirənin — CICA-nın yeddinci sammiti ətrafında diplomatik fəallıq artır.

Özbəkistan Prezidenti Şavkat Mirziyoyevin oktyabrın 14–15-də Azərbaycana işgüzar səfəri və sammitdə iştirakı nəzərdə tutulub. Forumda regional təhlükəsizliklə yanaşı, nəqliyyat əlaqələri, rəqəmsallaşma və davamlı iqtisadi inkişaf məsələlərinin müzakirəsi gözlənilir.

Qeyd edək ki, Bakı üçün belə görüşlər yalnız siyasi dialoq platforması deyil, həm də regional əməkdaşlıq imkanlarının müzakirəsi baxımından əhəmiyyət daşıyır. Sammitin yekununda Bakı Bəyannaməsinin və bir sıra qərarların qəbul edilməsi planlaşdırılır.

İlahə BAYINDIR