ELAZ.İNFO, BAKI, 21.05.2025.
ELAZ.İNFO xəbər verir ki, alimlər Avropada qızdırmanın yayılmasının artdığını qeyd ediblər. Avropada dang və çikunqunya qızdırmasının yayılmasında sürətlənmə qeydə alınıb.
The Lancet Planetary Health-də dərc edilən bir araşdırma Aedes albopictus ağcaqanadının (Asiya pələngi ağcaqanadının) meydana çıxmasından virusun bölgədə ilk dəfə yayılmasına qədər 1990-cı illərdəki iyirmi ildən çox vaxtla müqayisədə indi beş ildən az vaxt tələb etdiyini müəyyən etdi. Qloballaşma, artan turizm və iqlim dəyişikliyi Avropada tropik xəstəliklərin yayılmasına səbəb olur.
Havaların istiləşməsi Avropa şəhərlərində ağcaqanadların çoxalması üçün daha əlverişli şərait yaradır. Orta yay temperaturunda hər 1 dərəcə selsi artımı üçün xüsusilə şəhərlərdə epidemiya riski 55 faiz artır.
Səyahətçilər tərəfindən bölgəyə viruslar gətirilə bilər ki, bu da epidemiya riskini artırır. Tədqiqatın müəllifləri Avropanın bu xəstəliklərin endemikliyinə doğru irəlilədiyini vurğulayırlar.
Məlumat üçün qeyd edək ki, 2007-ci ildən 2024-cü ilə qədər Aİ-də 66 yerli dang və çikungunya epidemiyası qeydə alınıb və Aedes albopictusun daimi mövcud olduğu regionların sayı 358-ə çatıb. Gələcək üçün proqnozlar əlverişli deyil. Belə ki, 2060-cı illərə qədər epidemiyaların tezliyi indiki səviyyə ilə müqayisədə demək olar ki, 5 dəfə arta bilər.
Alimlər nəzarət tədbirlərinin təcili gücləndirilməsinə çağırır:
-monitorinqin işlənib hazırlanması, erkən xəbərdarlıq sistemlərinin tətbiqi və qızdırma yayılması barədə ictimaiyyətin məlumatlılığının artırılması.
Materialı hazırladı:
Esmira RƏHİMOVA
