ELAZ.İNFO, BAKI, 14.05.2025.
Səhər tezdən məktəbə gedən oğul atasına deyir:
– Ata, 2 manat ver.
-Nə üçün?
-Məktəbdə süpürgə pulu yığırlar.
Ata pulu verir.
Bir sonrakı səhər uşaq atadan yenə pul istəyir:
– Ata, 3 manat ver.
– Oğul, bu dəfə nə üçün?
– Məktəbdə fond pulu yığılır.
Ata uşağa pulu verib yola salır və əsəbi şəkildə Təhsil Nazirliyinin qaynar xəttinə zəng edib şikayətlənir:
– Bu nə deməkdi, məktəbdə rüşvət baş alıb gedir, hər gün 2-3 manat pul yığırlar, söpürgə pulu, fond pulu adı ilə rüşvət yığılır…
Valideyni dinləyən qaynar xətdən cavab gəlir:
– Şikayətinizi qəbul etdik, çox sağolun ki, bizi məlumatlandırdız, məktəbə yoxlama göndəriləcək və tədbir görüləcək.
…Səhər tezdən oğul atadan yenə pul istəyir:
– Ata, 10 manat ver.
– 10 manat? Yenə pul yığırlar? Nə üçün?
– Ata, məktəbə yoxlama gəlib, ona görə!
Səfər İBRAHİMLİ
