Dünyaca məşhur YouTube məzmun prodüseri Cimmi “MrBeast” Donaldson öz əməyi ilə ilk milyarder olub
ELAZ.İNFO xəbər verir ki, Amerikalı YouTuber və sahibkarın sərvəti CelebrityNetWorth-ə görə 1 milyard dollara çatıb.
Xarici media bununla əlaqədar yazır ki, cəmi 27 yaşı olan Donaldson təkcə video məzmunu ilə deyil, həm də xeyriyyə layihələri və kommersiya təşəbbüsləri ilə ad çıxarır.
Donaldsonun milyarder statusuna yüksəlməsi onu PewDiePie və Stokes Twins kimi həmyaşıdlarından fərqləndirir və onu bu pillədə sərvətini müstəqil şəkildə quran yeganə yaradıcı edir.
Qeyd edək ki, Mr.Beast YouTube-a 2012-ci ildə 13 yaşında “MrBeast6000” istifadəçi adı ilə qoşulub. Əvvəlcə oyun videoları və çağırışlarla diqqəti cəlb edən Donaldson tədricən büdcəsini artırdı və diqqətini xeyriyyə məqsədli, yüksək məhsuldar yarışmalara və xeyriyyə videolarına yönəltdi.
Məlumat üçün bildirək ki, o, 2020-ci ildən bəri, dərc etdiyi məzmunda milyonlarla dollar payladı, baxış rekordları qırdı və sponsorluq gəlirlərini artırdı.
İlahə BAYINDIR
