ELAZ.İNFO xəbər verir ki, Yaponiyanın şərq sahillərində 5,6 maqnitudalı zəlzələ qeydə alınıb. Avropa-Aralıq dənizi Seysmoloji Mərkəzinin məlumatına görə, yeraltı təkanlar Honsyu adasının şərq sahilləri yaxınlığında baş verib.
Məlumata əsasən, zəlzələnin episentri İşinomaki şəhərindən təxminən 225 kilometr cənubda, Sakit okeanda yerləşib. Yeraltı təkanların ocağı 10 kilometr dərinlikdə qeydə alınıb.
Zəlzələ 26 avqust saat 19:21 UTC-də, Yaponiya vaxtı ilə isə 27 avqust səhər saatlarında baş verib. Seysmoloji məlumatlarda hadisənin maqnitudası 5,6 olaraq təsdiqlənib.
Hazırkı məlumatlara görə, zəlzələ ilə əlaqədar ölən və xəsarət alanlar barədə məlumat daxil olmayıb. Həmçinin zəlzələdən sonra sunami təhlükəsi elan edilməyib.
Beynəlxalq fəlakət monitorinq sisteminin qiymətləndirməsinə əsasən, zəlzələnin humanitar təsirinin aşağı olduğu gözlənilir. Təkanların təsir dairəsində təxminən 100 min nəfərin olduğu hesablanır.
Qeyd edək ki, hazırda dağıntı və ciddi infrastruktur zərəri ilə bağlı təsdiqlənmiş məlumat yoxdur.
İlahə BAYINDIR
