ŞƏHİDLƏR
Qıy çəkən qartallardır
Vətən torpaqlarında.
Yamyaşıl yarpaqlardır
Çinar budaqlarında.
O qartallar hər zaman
Keşikçi olacaqlar.
Vətənin göylərindən
Bizə boylanacaqlar.
O yarpaqlar tökülüb
Torpağa qarışacaq.
İllərlə bütünləşib
Dönüb vətən olacaq.
Çisgin, duman şəklində,
Yurda ələnəcəklər.
Vətən haray çəkəndə
Yenidən gələcəklər.
Müqəddəs məşəllərlə
Keşikdə duracaqlar.
Namərd, mərə kafirdən
Öc, qisas alacaqlar.
Hər an başımız üstə
Gəzib dolanacaqlar.
Onlar yaddaşımızda
Əbədi qalacaqlar!
Əbədi qalacaqlar!
İlahə BAYINDIR
